Thursday 1 September 2016

ARTICLE & POEM ABOUT MY SIS RESHMA !!!

My sister is an alrounder. So, i wrote an article & a poem about her in some fb group. Sharing it here with you all...

ARTICLE:-


ಗೃಹಿಣಿ ಗೃಹಮುಚ್ಯತೆ ಎ0ದು ಹೇಳುತ್ತಾರೆ. ಅ0ದರೆ ಗೃಹಿಣಿ ಮನೆಯಲ್ಲಿದ್ದರೆ ಚೆನ್ನ ಎ0ದು. ಆದರೆ ಗೃಹಿಣಿಯರು ಮನೆಯಲ್ಲಿದ್ದುಕೊ0ಡೇ ಸಮಯದ ಸದುಪಯೋಗ ಹೇಗೆ ಮಾಡಬಹುದು ಎನ್ನುವುದಕ್ಕೆ ಉತ್ತಮ ಉದಾಹರಣೆ ನಮ್ಮ ರೇಶ್ಮಾ ಭಾಗವತ್. ಈಕೆ ನಮ್ಮ ಬಾರಕೂರಿನ ಹೆಣ್ಣುಮಗಳು, ಈಗ ಮದುವೆಯಾಗಿ ಬೆ0ಗಳೂರಿನ ಜೆ. ಪಿ. ನಗರದಲ್ಲಿ ನೆಲೆಸಿದ್ದಾರೆ. ಅ0ದ ಹಾಗೆ ಈಕೆ ಬೇರೆ ಯಾರೂ ಅಲ್ಲ, ನನ್ನ ಮುದ್ದಿನ ತ0ಗಿ. ಈಕೆ ತನ್ನ ಬಿಡುವಿನ ಸಮಯದಲ್ಲಿ ಸಿಲ್ಕ್ ತ್ರೆಡ್ ನಲ್ಲಿ ಹಲವಾರು ಆಭರಣಗಳನ್ನು ಮಾಡುತ್ತಾ  ಅದರ ವ್ಯವಹಾರ ಮಾಡುತ್ತಿದ್ದಾಳೆ. ಈಕೆ ಮಾಡಿದ ಆಭರಣಗಳು ಮು0ಬೈ, ಡೆಲ್ಲಿ, ಅಮೇರಿಕವನ್ನೂ ತಲುಪಿವೆ.  ಅದರ ಅ0ದ ಚೆ0ದ ಮತ್ತು ಅದಕ್ಕೆ ಇಟ್ಟಿರುವ ಬೆಲೆ ನೋಡಿದರೆ ಯಾರು ತೆಗೆದುಕೊಳ್ಳದೇ ಇರಲಾರರು.    ತು0ಬಾ ಲೈಟ್ ವೈಟ್ ಆಗಿರುವ ಈ ಆಭರಣಗಳನ್ನು ಡ್ರೆಸ್ಸ್ ಗೆ ಮ್ಯಾಚಿ0ಗ್ ಆಗುವ ರೀತಿಯಲ್ಲಿ ಮಾಡಿ ಕೊಡುತ್ತಾಳೆ. ಕೊರಿಯರ್ ಮಾಡಿ ಕಳಿಸುವ ಸೌಲಭ್ಯವೂ ಇದೆ. ಇಷ್ಟೇ ಅಲ್ಲದೆ ಮಕ್ಕಳಿಗೆ ಭರತನಾಟ್ಯ ಕ್ಲಾಸ್ ಕೂಡ ತೆಗೆದುಕೊಳ್ಳುತ್ತಿದ್ದಾಳೆ. ಮತ್ತು ಸ್ವತ: ಕೂಡ ಕಲಿಯುತ್ತಿದ್ದಾಳೆ.          .
     ಬೆಳೆವ ಸಿರಿ ಮೊಳಕೆಯಲ್ಲಿ ಎನ್ನುವ0ತೆ ಚಿಕ್ಕ0ದಿನಿ0ದಲೂ ಈಕೆಗೆ ಎಲ್ಲಾ ವಿಷಯಗಳನ್ನು ಕಲಿಯುವ ಅತೀವ ಆಸಕ್ತಿ. 5 ವರ್ಷದವಳು ಇರುವಾಗಲೇ ಬೆ0ಗಳೂರಿನಲ್ಲಿ ಇರುವ ಸೋದರ ಮಾವನ ಮನೆಗೆ ಹೋದಾಗ ಪಾರಿಜಾತ ಹೂ ಕಟ್ಟುವ ಆಸಕ್ತಿಯಿ0ದ  ಮು0ಜಾವಿನ 5 ಗ0ಟೆಗೆ ಎದ್ದು ಹೂ ಹೆಕ್ಕಿ ಕಟ್ಟುತ್ತಿದ್ದಳು ನನ್ನ ತ0ಗಿ. ಬೆಳೆಯುತ್ತಾ ಹೋದ0ತೆ ಈಕೆಯಲ್ಲಿ ಎಲ್ಲವನ್ನೂ ಕಲಿಯುವ ಆಸಕ್ತಿ ಹೆಚ್ಚುತ್ತಾ ಹೋಯಿತು. ಮೆಹೆ0ದಿ ಹಾಕುವುದು, ತೋಟಗಾರಿಕೆ, ಭರತನಾಟ್ಯ, ಅಡುಗೆ ಕಲಿಯುವುದು, ರ0ಗೋಲಿ ಬಿಡಿಸುವುದು ಹೀಗೆ ಎಲ್ಲವನ್ನೂ ಆಸಕ್ತಿಯಿ0ದ ಕಲಿತಳು. ಈಕೆಯ ಆಸಕ್ತಿ ಕ0ಡು ನಮ್ಮ ಗ್ರೆಟ್ಟಾ ಟೀಚರ್ ಕೂಡ ಈಕೆಗೆ ನಾಲ್ಕನೇ ತರಗತಿಯಲ್ಲಿಯೇ ವೈರ್ ನಲ್ಲಿ ವಾಜ್ ಮಾಡುವುದನ್ನು ಕಲಿಸಿದ್ದರು. ಕಾಲೇಜು ಹ0ತ ತಲುಪಿದಾಗ ಕ್ರಾಫ್ಟ್ ಕ್ಲಾಸ್ ಗೆ ಹೋಗಿ ಟೆಡ್ಡಿಬೇರ್, ಎ0ಬೋಸಿ0ಗ್, ಗ್ಲಾಸ್ ಪೈ0ಟಿ0ಗ್ ಮತ್ತು ಇನ್ನೂ ಹಲವಾರು ಕಲೆಯನ್ನು ಕಲಿತು ಪಳಗಿದಳು. ಉಲ್ಲನ್ ನಲ್ಲಿ ಸ್ವೆಟರ್, ಶಾಲ್ ಮಾಡುವುದನ್ನೂ ಚಿಕ್ಕ0ದಿನಿ0ದಲೇ ಕಲಿತುಕೊ0ಡಳು.   ಇದರ ಜೊತೆಗೆ ಕಲಿಯುದರಲ್ಲೂ ಉತ್ತಮ ಅ0ಕ ತೆಗೆಯುತ್ತಿದ್ದಳು. ಮದುವೆಯ ಮು0ಚೆಯೇ ಭರತನಾಟ್ಯದಲ್ಲಿ ಉತ್ತಮ ಅ0ಕಗಳೊ0ದಿಗೆ ಸೀನಿಯರ್ ಮುಗಿಸಿದ ಈಕೆ ಮದುವೆಯ ನ0ತರ ಪ್ರಿ ವಿದ್ವತ್ ಕೂಡ ಮುಗಿಸಿದಳು. ನ0ತರ ಗ0ಡನ ಕೆಲಸದ ನಿಮಿತ್ತ ಅಮೇರಿಕಾಗೆ ಹೋಗುವ ಅವಕಾಶ ಕೂಡಿ ಬ0ತು. ಅಲ್ಲಿ ನಾಲ್ಕು ವರ್ಷ ನೆಲೆಸಿದ ಈಕೆ ಹಿ0ತಿರುಗಿ ಬ0ದ ನ0ತರ ವಿದ್ವತ್ ಮುಗಿಸುವ ಆಸೆಯಿ0ದ ಕಲಿಕೆಯನ್ನು ಮು0ದುವರಿಸಿದ್ದಾಳೆ.
ಈಕೆಯ ಕೌಶಲ್ಯವನ್ನು ನೋಡಿ ಚ0ದನ ಟಿ. ವಿ. ಯವರು ಈಕೆಯ 2 ಎಪಿಸೋಡ್ ಗಳನ್ನು ಪ್ರಸಾರ ಮಾಡಿದರು. ಮದುವೆಯ ಮು0ಚೆ ಹಾಗೂ ನ0ತರವೂ ಭರತನಾಟ್ಯದಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ಕೊಟ್ಟಿದ್ದಾಳೆ. ಈಕೆಯ ಹತ್ತಿರ ಭರತನಾಟ್ಯ ಕಲಿಯುತ್ತಿರುವ ಮಕ್ಕಳು ಒ0ದು ಪರೀಕ್ಷೆಯಲ್ಲಿ ಕುಳಿತು ಉತ್ತಮ ಅ0ಕಗಳಿ0ದ ಪಾಸಾಗಿದ್ದಾರೆ.. ಭರತನಾಟ್ಯ ಮಾತ್ರವಲ್ಲದೇ ಸಿನಿಮಾ ಹಾಡಿಗೆ ಕೂಡ ಚೆನ್ನಾಗಿ ಮಾಡುತ್ತಾಳೆ. ನಾನಾ ತರದ ಅಡಿಗೆ ಮಾಡುವುದರಲ್ಲಿ ಪಾರ0ಗತೆ. ಎಪಾರ್ಟ್ ಮೆ0ಟ್ ನ ಮಕ್ಕಳಿಗೆ ಸಮ್ಮರ್ ಕ್ಯಾ0ಪ್ ಕೂಡ ತೆಗೆದುಕೊ0ಡಿದ್ದಾಳೆ. ಫೇಸ್ ಬುಕ್ ನಲ್ಲಿ  ಈಕೆಯ ಪೇಜ್ ಕೂಡ ಇದೆ.  ಹೀಗೆ ಸಕಲ ಕಲಾ ವಲ್ಲಭೆಯಾಗಿರುವ ನನ್ನ ತ0ಗಿಯ ಬಗ್ಗೆ ಬರೆದಿರುವ ಚಿಕ್ಕ ಕವನ ಈ ರೀತಿ ಇದೆ

++++++++ನನ್ನ ತಂಗಿ++++++++

     
      ನನ್ನ ಅಕ್ಕರೆಯ ಗೆಳತಿ
      ನೆಚ್ಚಿನ ಸಲಹೆಗಾರ್ತಿ
      ಸೊಬಗಿನ ಸಿ0ಗಾರಿ
      ಬಿ0ಕದ ವಯ್ಯಾರಿ
      ನರ್ತಿಸಿದರೆ ನವಿಲು
      ಗಾನದಲ್ಲಿ ಕೋಗಿಲೆ
      ನಳಪಾಕ ಪ್ರವೀಣೆ
      ಊನಗಳು ಒ0ದೂ ನಾ ಕಾಣೆ
      ಸಕಲ ಕಲಾ ವಲ್ಲಭೆ
      ನೋಡಲು ಸು0ದರ ಗೊ0ಬೆ
      ಅನ್ಕೋತಿದೀರ ಯಾರಪ್ಪ ಈ ಬೆಡಗಿ
      ಅವಳೇ ನನ್ನ ಮುದ್ದಿನ ತ0ಗಿ

-ರೇವಿನಾ 

No comments:

Post a Comment